لندن (نیوز ڈیسک ) سابق وزیراعظم نوازشریف نے الیکشن مہم سے پہلے پاکستان واپس آنے پر آمادگی ظاہر کردی ، نواز شریف بھرپور طریقے سے الیکشن مہم چلائیں گے۔تفصیلات کے مطابق سابق وزیراعظم نواز شریف نے سعودی عرب روانگی ڈاکٹروں کی اجازت سے مشروط کردی ، ذرائع ن لیگ کا کہنا ہے کہ ڈاکٹروں نے اجازت دی تو نواز شریف عمرہ
ادائیگی کے لیے سعودی عرب جائیں گے۔ذرائع نے بتایا کہ نوازشریف دورہ سعودی عرب کے بعد پاکستان واپسی کالائحہ عمل بنائیں گے، نواز شریف کو پارٹی رہنماؤں نے الیکشن مہم سے پہلے وطن واپسی کا مشورہ دے دیا ہے۔ن لیگ کے ذرائع کے مطابق نوازشریف نے الیکشن مہم سے پہلے پاکستان واپس آنے پر اظہارآمادگی کردیا ہے ، وہ بھرپور طریقے سے الیکشن مہم چلائیں گے۔گذشتہ روز پاکستانی حکومت کی جانب سے سابق وزیراعظم نواز شریف کو پاسپورٹ جاری کیا گیا تھا، جاری کردہ پاسپورٹ کی مدت 10 سال ہے، ترجیحی بنیاد پر عام کیٹیگری میں جاری کیا گیا ہے۔ذرائع نے بتایا تھا کہ نواز شریف کو ڈپلو میٹک پاسپورٹ جاری نہیں کیا گیا، حکومت کی تبدیلی کے بعد پاسپورٹ کی تجدید کی ہدایت جاری کی گئی تھی، نواز شریف اب کسی بھی وقت پاکستان کیلئے روانہ ہوسکتے ہیں