اسلام آباد(ویب ڈیسک) پاکستان کی نامور اداکارہ زیبا بختیار بالی ووڈ اور لالی ووڈ کی 90ءکی دہائی کی عمدہ ترین اداکاراﺅں میں سے ایک تھیں لیکن گوں ناگوں وجوہات کی بناءپر وہ ہمیشہ اپنے کیریئر کی بجائے ذاتی زندگی کے حوالے سے خبروں کی زینت بنتی رہیں۔ محبت اور ازدواجی زندگی کے حوالے سے مگر زیبا بختیار خوش قسمت نہ نکلیں ، انہوں
نے چار شادیاں کیں، جن میں سے 3کا انجام افسوسناک ہوا اور چوتھی کے بارے میں کوئی نہیں جانتا کہ وہ تاحال قائم ہے یا طلاق ہو چکی ہے۔ زیبابختیار پاکستان کے معروف سیاستدان اور سابق اٹارنی جنرل یحییٰ بختیار کی صاحبزادی ہیں۔ ان کی والدہ ہنگری نژاد تھیں اور والد کا تعلق کوئٹہ سے تھاایک مشہور ویب سائٹ کے مطابق زیبا بختیار کی پہلی شادی کوئٹہ کے رہائشی سلمان ویلیانی نامی شخص کے ساتھ ہوئی، جس سے ان کی ایک بیٹی بھی ہے۔ کچھ عرصے بعد ان کی طلاق ہو گئی اور مبینہ طور پر ان کی بیٹی کو زیبا بختیار کی بہن نے گود لے لیا اور انہوں نے ہی اس کی پرورش کی۔ 1989ءمیں زیبا بختیار نے بھارت کے کامیڈین جاوید جعفری کے ساتھ شادی کر لی۔ اگرچہ زیبا بختیار نے جاوید کے ساتھ شادی کی خبروں کی تردید کی تاہم جاوید نکاح نامہ منظرعام پر لے آئے اور شادی کی تصدیق کر دی۔ ان کی شادی ایک سال بھی نہ چل سکی اور طلاق پر منتج ہوئی۔زیبا بختیار نے تیسری شادی گلوکار عدنان سمیع کے ساتھ کی تاہم ان کی بھی 1997ءمیں طلاق ہو گئی۔ اس شادی سے زیبا بختیار کا ایک بیٹا ہے جس کا نام اذان ہے۔ بالآخر زیبا بختیار نے پاکستان میں سہیل خان لغاری سے شادی کی۔ یہ شادی اب بھی برقرار ہے یا نہیں، اس حوالے سے کچھ معلوم نہیں۔