کراچی (نیوز ڈیسک) کراچی کے علاقے گلزار ہجری سے 7 روز قبل لاپتہ ہونے والی 14سالہ لڑکی سولجر بازار کے علاقے سے مل گئی۔لڑکی جس خاتون کے گھر پر کام کرتی تھی اس کا سسر لڑکی کو زیادتی کا نشانہ بناتا تھا جس پر وہ وہاں سے فرار ہوگئی تھی۔پولیس کے مطابق گلزار ہجری سے 7روز قبل لاپتہ ہونے والی لڑکی
طاہرہ سولجر بازار کے علاقے سے ملی ہے۔لڑکی سولجر بازار میں زلیخا نامی خاتون کے گھر سے ملی ہے جنہوں نے لڑکی کو پناہ دی تھی۔طاہرہ گلزار ہجری میں ماہم نامی خاتون کے گھر میں کام کرتی تھی اور اس کا کہنا ہے کہ ’میڈم ماہم کا سسر مجھ سے زیادتی کرتا تھا، تنگ آکر فرار ہوئی اور سولجر بازار میں زلیخا نامی خاتون کے گھر میں پناہ لی۔‘پولیس کے مطابق زلیخا ہی نے انہیں اطلاع دی جس پر لڑکی کو تحویل میں لے لیا گیا۔لڑکی کی گمشدگی کا مقدمہ مبینہ ٹاؤن تھانے میں درج ہے، سویرا کی گمشدگی زینب الرٹ پر بھی رپورٹ ہوئی تھی، ضابطے کی کارروائی کے بعد لڑکی کو مبینہ ٹاؤن پولیس کے حوالے کردیا گیا ہے اور معاملے کی مزید چھان بین کی جارہی ہے۔ مزید خبروں تبصروں تجیزوں اور کالمز پڑھنے اور ہر وقت چوبیس گھنٹے اپ ڈیٹ رہنے اور ملک کے حالات سے با خبر رہنے کیلئے ہمارا پیج لائیک اور شیئر ضرور کریں اور اپنے دوستوں سے بھی شیئر کی درخواست کریں ہم آپ کے بے حد مشکور ہوں گے شکریہ