اسلام آباد( نیوز ڈیسک)انٹرنیشنل کرکٹر یاسر شاہ اور اس کا دوست فرحان زـیاـدـتی کیس میں نامزد،اسلام آباد کے تھانہ شالیمار میں یاسرشاہ اور فرحان کےخلاف مقدمہ درج،مقدمہ میں 14 سالہ لڑکی کے ساتھ زـیاـدـتی کا انکشاف کیا جارہا ہے۔ تفصیلات کے مطابق مقدمہ متاثرہ لڑکی کے ماموں کی مدعیت میں درج کیا گیا ہے،ایف آئی آر کےمطابق یاسر شاہ کے دوست
فرحان نے اس سے فون نمبر لیا جس کے بعد فرحان دوستی کا دعوی کرنے لگا، فرحان یاسر شاہ سے بھی ویٹس ایپ پر بھی بات کرواتا تھا،۔ لڑکی کے مطابق دونوں نے مجھے بھلاپھسلا کر شیشے میں اتارا، 14 اگست کو جب ٹیوشن جارہی تھی تو فرحان نے اسے ٹیکسی میں بیٹھایااورایف الیون فلیٹ پرلے گیا، فلیٹ پرفرحان نے دست درازی شروع کی ، مزاحمت کرنے پرمیرے ساتھ گن پوائنٹ پر زـیاـدـتی کی اور ویڈیو بھی بنائی۔ فرحان نے دھمکی دی کہ کسی سے ذکرکیاتو ویڈیو وائرل کردونگا اورجان سے بھی مار دونگا۔ فرحان نے یاسر شاہ سے بھی اسی وقت دھمکی دلوائی، یاسرشاہ نے کہا کہ وہ انٹرنیشنل کرکٹرہے شکایت کی صورت میں کسی بھی مقدمے میں پھنسا دے گا، فرحان نے بعد میں بھی بلیک میل کیا اور زـیاـدـتی کانشانہ بنایا، فرحان یاسرشاہ سے فون پربات کرواتااور اس سے بھی تعلقات استوار کرنے پر مجبورکرتا، 11 ستمبرکو ویٹس ایپ پر یاسر شاہ کو سارے معاملے کےبارے میں بتایا تو مذاق اڑیا اور کہا مجھے کمسن لڑکیاں پسند ہیں،یاسر شاہ نے سنگین نتائج کی دھمکیاں دیں اور کہا وہ بہت بااثرہے،اعلی افسران سے دوستی ہے،جب پولیس درخواست دینے کا کہا تویاسر شاہ نے کہا کہ جوہونا تھا ہوگیا ،تمہارے نام پرفلیٹ کرادونگااور18 سال تک تمہارے اخراجات بھی برداشت کروں گا فرحان سے نکاح کرلو۔